new trending love lyrical song bgm in alightmotion editing 💗🫂

India vs England 3rd Test: లార్డ్స్ క్రికెట్ మైదానంలో జరగనున్న ఇండియా vs ఇంగ్లాండ్ మూడో మ్యాచ్ కోసం టీం ఇండియా ప్లేయింగ్ 11 గురించి మాట్లాడుకుంటే, ప్రస్తుతానికి బ్యాటింగ్‌లో ఎటువంటి మార్పు లేదు. యశస్వి జైస్వాల్ నుంచి కేఎల్ రాహుల్, శుభ్‌మాన్ గిల్, రిషబ్ పంత్ వరకు అందరూ బ్యాటింగ్ ఆర్డర్‌లో ఉన్నారు.

IND vs ENG: లార్డ్స్ టెస్ట్ నుంచి తెలుగబ్బాయ్ ఔట్.. ప్రియ శిష్యుడికి చోటివ్వనున్న గంభీర్.. కారణం ఏంటంటే?

Ind Vs Eng Test

Venkata Chari

Updated on: Jul 09, 2025 | 9:45 AM

Nitish Reddy Out From Lords Test: శుభ్‌మన్ గిల్ కెప్టెన్సీలో తొలి మ్యాచ్‌లో ఓడిపోయిన తర్వాత, టీమ్ ఇండియా ఎడ్జ్‌బాస్టన్‌లో బలమైన పునరాగమనం చేసింది. ఎడ్జ్‌బాస్టన్‌లో జరిగిన మ్యాచ్‌లో, భారత్ ఆతిథ్య జట్టును 336 పరుగుల తేడాతో ఓడించింది. ఈ మ్యాచ్‌లో భారత్ విజయం సాధించిన తర్వాత, సిరీస్ 1-1తో సమంగా ఉంది. ఇప్పుడు సిరీస్‌లోని మూడవ మ్యాచ్ జూలై 10 నుంచి లార్డ్స్‌లో జరుగుతుంది.

ఈ మ్యాచ్ గెలవడం ద్వారా భారత జట్టు ఇంగ్లాండ్ పై ఒత్తిడి తీసుకురావాలనుకుంటోంది. ఇలాంటి పరిస్థితిలో, ఆడే 11 మంది భారత్ ఏ జట్టును ఫీల్డింగ్ చేస్తుందో అందరూ ఆసక్తిగా గమనిస్తున్నారు. ఈ సమయంలో, నితీష్ కుమార్ రెడ్డిని ప్లేయింగ్ 11 నుంచి పక్కన పెట్టవచ్చని వార్తలు వినిపస్తున్నాయి. కోచ్ గౌతమ్ గంభీర్ తన అభిమాన శిష్యుడిని నితీష్ స్థానంలో ఫైనల్ ఎలెవన్ జట్టులోకి తీసుకురావచ్చు. ఇప్పుడు ఈ ఆటగాడు ఎవరో తెలుసుకుందాం..?

మూడో మ్యాచ్‌లో ప్లేయింగ్ 11లో గౌతమ్ గంభీర్ కీలక మార్పులు..

లార్డ్స్ క్రికెట్ మైదానంలో జరగనున్న ఇండియా vs ఇంగ్లాండ్ మూడో మ్యాచ్ కోసం టీం ఇండియా ప్లేయింగ్ 11 గురించి మాట్లాడుకుంటే, ప్రస్తుతానికి బ్యాటింగ్‌లో ఎటువంటి మార్పు లేదు. యశస్వి జైస్వాల్ నుంచి కేఎల్ రాహుల్, శుభ్‌మాన్ గిల్, రిషబ్ పంత్ వరకు అందరూ బ్యాటింగ్ ఆర్డర్‌లో ఉన్నారు.

అయితే, కోచ్ గౌతమ్ గంభీర్‌కు కరుణ్ నాయర్ విషయంలో సందిగ్ధత ఉండవచ్చు. మొదటి రెండు మ్యాచ్‌లలో నాలుగు ఇన్నింగ్స్ లలో అతను విఫలమయ్యాడు. అయితే, మూడో టెస్ట్‌లోనూ కరుణ్‌పై కరుణ చూపించే అవకాశం ఉంది.

నితీష్ కుమార్ రెడ్డి ఔట్.. శార్దూల్ ఠాకూర్‌ ఇన్..

మార్పుల గురించి మాట్లాడుకుంటే, గౌతమ్ గంభీర్ మూడవ మ్యాచ్‌లో నితీష్ కుమార్ రెడ్డిని పక్కన పెట్టవచ్చు. ఎందుకంటే రెండవ మ్యాచ్‌లో అతని ప్రదర్శన అంత బాగా లేదు. ఆ మ్యాచ్‌లో, రెండు ఇన్నింగ్స్‌లలో అతని బ్యాట్ నుంచి కేవలం 2 పరుగులు మాత్రమే వచ్చాయి.

ఇది కాకుండా, అతను మొదటి ఇన్నింగ్స్‌లో 6 ఓవర్లు బౌలింగ్ చేశాడు. కానీ, అతనికి ఎటువంటి వికెట్ లభించలేదు. మూడవ మ్యాచ్‌లో అతన్ని తొలగించడానికి ఇదే కారణం. ప్రధాన కోచ్ అతని స్థానంలో శార్దూల్ ఠాకూర్‌ను తీసుకోవచ్చు. అతను మొదటి మ్యాచ్ ఆడాడు. ఈ సమయంలో, అతను 2 వికెట్లు తీసుకున్నాడు.

ప్రసిద్ధ్ కృష్ణ స్థానంలో జస్ప్రీత్ బుమ్రా రీఎంట్రీ..

నితీష్ కుమార్ రెడ్డి కాకుండా , గౌతమ్ గంభీర్ మూడవ మ్యాచ్ నుంచి ప్రసిద్ధ్ కృష్ణను మినహాయించవచ్చు. ఎందుకంటే ప్రసిద్ధ్ చాలా ఖరీదైన బౌలర్ అని నిరూపించుకున్నాడు. జస్ప్రీత్ బుమ్రా ఈ మ్యాచ్‌లో తిరిగి రాబోతున్నాడు. కాబట్టి కృష్ణను తొలగించవచ్చు. మొదటి మ్యాచ్ ఆడిన తర్వాత, బుమ్రాకు రెండవ మ్యాచ్‌లో విశ్రాంతి ఇచ్చిన విషయం తెలిసిందే. కానీ, అతను మూడవ మ్యాచ్‌లో తిరిగి వస్తాడు.

IND vs ENG ఇంగ్లాండ్ తో జరిగే మూడో మ్యాచ్ కు భారత జట్టు ప్రాబబుల్ ప్లేయింగ్-11: యశస్వి జైస్వాల్, కెఎల్ రాహుల్, కరుణ్ నాయర్, శుభ్‌మాన్ గిల్ (కెప్టెన్), రిషబ్ పంత్ (వికెట్ కీపర్), రవీంద్ర జడేజా, రవీంద్ర జడేజా, వాషింగ్టన్ సుందర్, శార్దుల్ ఠాకూర్, జస్‌ప్రీత్ బుమ్రా, మొహమ్మద్ సిరాజ్, ఆకాశ్ దీప్.

మరిన్ని క్రికెట్ న్యూస్ కోసం ఇక్కడ క్లిక్ చేయండి..

LIVE

వాట్సప్‌లో ఫాలో అవ్వండి

భారత క్రికెట్ జట్టు